Cookie-n erabilera. Webgune honek cookie-ak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Informazio gehiago nahi izanez gero, kontsultatu gure cookie politika.

Azken edizioa

Zientzia gizarteratzeko ahaleginari aitortza, CAF-Elhuyar sarietan

  • Alaitz eta Iraia Etxabide Etxeberria, Miguel Querejeta Pérez, Iñaki Odriozola Larrañaga eta Josu Lopez Gazpio dira sarituak.

  • Ander Gortazar Balerdik eta Jacek Markusiewicz-ek jaso dute beka, “Bastartak!” proiektua garatzeko; eta Ekaia EHUko Zientzia eta Teknologia aldizkariarentzat izan da Merezimendu Saria.

  • 71 lan jaso dira; eta parte-hartzaileen artean genero-oreka egon da.

Maiatzaren 16n izan da CAF-Elhuyar sariak banatzeko ekitaldia, Tabakalerako Kutxa Kultur Plazan (Donostia). “Egin jauzi, eta sortu uhin hedakorrak” zen sariketaren leloa aurten, eta horretara ausartu direnei aitortza egiteko asmoz egin da ekitaldia. Hain zuzen, zientzia eta teknologia gizarteratzeko ahalegina egiten dutenen lana aitortzea da sariketaren helburua, baita xede horrekin bat egiten duten proiektuak bultzatzea ere.

Azpiko ilaran eta ezkerretik hasita:  Asier Vallejo Ruiz eta Olatz Arregui Uriarte (Ekaia aldizkaritik), Arantza Aldezabal Roteta (Iñaki Odriozola Larrañaga sarituaren ordezkari). Zutik eta ezkerretik hasita: Ander Gortazar Balerdi, Miguel Querejeta Pérez, Iraia Etxabide Etxeberria eta Josu Lopez Gazpio. Arg.: Iñigo Ibáñez

Bertaratutakoen artean, saridunez eta haien lagun eta senideez gain, epaimahaikideak eta zenbait erakundetako ordezkariak izan dira, besteak beste, Jose M. Pitarke de La Torre, Elhuyar Fundazioko lehendakaria eta CIC nanoGUNEko zuzendari nagusia; Leire Cancio Orueta, Elhuyarreko zuzendari nagusia; Igor Arrondo Esnaola CAFeko Giza Baliabideetako ordezkaria; Bittor Oroz Izagirre, Nekazaritza, Arrantza eta Elikagaien Politikako sailburuordea; Josune Zabala Alberdi Hizkuntza Ikerketa eta Koordinaziorako zuzendaria; Miren Elgarresta Larrabide Gipuzkoako Foru Aldundiko Berdintasun zuzendaria; Eva Ugarte Sagastizabal NEIKER-Tecnaliako Teknologia eta Berrikuntza zuzendaria; Leire Baraño Orbe, NEIKER-Tecnaliako zuzendari nagusia; Asier Vallejo Ruiz, Ekaia aldizkariaren koordinatzaile nagusia eta Iñaki Alegria Loinaz, UEUko zuzendari ohia.

Sariak banatu ondoren, iaz Zientzia Gizartean sorkuntza-beka jaso zuen  proiektuaren emaitza erakutsi dute egileek, Armintxe Animazio Taldeak: “Miraila” animaziozko film laburra.


Sariketaren antolatzaileak eta babeslek. Ezkerretik hasita: Marian Uriarte Ormazabal (epaimahaiaren ordezkari), Bittor Oroz Izagirre, Josune Zabala Alberdi, Igor Arrondo Esnaola, Joxe Begiristain Aizpurua, Leire Cancio Orueta, Jose M. Pitarke de La Torre, Leire Baraño Orbe, Eva Ugarte Sagastizabal. Arg.: Iñigo Ibáñez

Aurten 71 lan aztertu behar izan dituzte epaimahaikideek, eta, haien artetik, hauek izan dira sarituak, kategoriaren arabera:

Zientzia-kazetaritzaren arloko saria


Dibulgazio-artikulu orokorraren saria


Egilearen doktore-tesian oinarritutako dibulgazio-artikuluaren saria

  • Izenburua: "Zulo beltzen sinfonia"
  • Egilea: Miguel Querejeta Pérez (Donostia)
  • Saria: 2.000 euro eta Imanol Andonegi Mendizabalen eskultura.

NEIKER Sari Berezia

Lehen sektoreari lotutako lan onenarentzat saria:


«Zientzia Gizartean» sorkuntza-beka

  • Izenburua: “Bastartak!”.
  • Egileak: Ander Gortazar Balerdi (Donostia) eta Jacek Markusiewic (Polonia).
  • 5.000ko diru-laguntza.

Merezimendu Saria

  • Ekaia aldizkaria

2018ko Elhuyarren Merezimendu saria jaso du, Elhuyarren lehendakari Txema Pitarkeren eskutik. Euskal Herriko Unibertsitateak zientzia euskaraz komunikatzeko egindako ahaleginaren erakusgai dugu Ekaia aldizkaria. Ia 30 urteko ibilbide honetan, Ekaia aldizkariak egundoko ekarpena egin die mundu zientifikoari eta gizarte osoari. Zorroztasun metodologikoa oinarri hartuta, zientziaren eta herritarren arteko zubi-lanetan aritu da. Euskarazko kalitateko material zientifiko-teknikoaren ekoizpena bultzatu du. Urrats garrantzitsuak egin ditu hainbat esparrutako hitz teknikoen idazkera bateratzeko. Unibertsitaterako materiala sortu du, ezinbestekoa ikasleek euskaraz ikasteko aukera izan dezaten. Euskaraz egindako ikerketaren aintzatespena ahalbidetu du, eta euskarazko aldizkarien kalitatea nazioarteko hainbat aldizkariren mailakoa dela erakutsi.


Hainbat epaimahaik ebatzi dituzte saridunak

Hainbat epaimahaik aztertu dituzte aurtengo ediziora aurkeztutako lanak. Dibulgazio-artikuluak eta kazetaritza-lanak epaitu dituen epaimahaia kide hauek osatu dute:

  • Leire Cancio. Elhuyarreko zuzendari nagusia.
  • Arturo Elosegi. Ekologoa, EHUko ikertzailea eta zientziaren dibulgatzailea
  • Marian Iriarte. Kimikaria, EHUko ikertzailea eta zientziaren dibulgatzailea
  • Uxune Martinez. Euskampus Fundazioko Zabalkunde Zientifikorako arduraduna
  • Alberto Barandiaran. Kazetaria eta idazlea

Lehen sektoreko lan onenari eskainitako NEIKER Sari Berezian, Eva Ugarte Sagastizabal NEIKER-Tecnaliako Teknologia eta Berrikuntza zuzendariak egin ditu epaile-lanak.

«Zientzia gizartean» sorkuntza-bekara aurkeztutako lanak, berriz, lagun hauek epaitu dituzte:

  • Maria Gil Rodriguez. Elhuyar Zientzia unitatearen arduraduna
  • Josu Rekalde. EHUko Arte Ederren Fakultatea, Artea eta Teknologia saileko zuzendaria
  • Koldo Almandoz. Zinema-zuzendaria 

Imágenes integradas 2