Edonorentzat da ezagun panda eta pandaren inguruko hil ala biziko problematika, baina oso gutxik dakite animalia karismatiko hori euskal herritar batek aurkitu eta deskribatu zuenik; hain zuzen ere Armand David ezpeletar naturalista da pandaren aurkitzailea. Horren haritik hainbat puntu interesgarri azaltzen dira liburu honetan: Armand Davidek Txinara eginiko bidaiak eta han bizitako zenbait abentura; Aita Daviden biografia eta orduko giroa (gizartea, historia, geografia, politika, etnografia, zientzia, ...) ; Hainbat kontu zoologiko, floristiko, paleontologiko eta genetiko, asko baitira aita David-ek aztertu eta sailkatutako espezieak.