Elhuyar Zientzia Azoka 2023 finalizou coa entrega de premios no Areal de Bilbao. O acto, que se celebrou ás 13:30 horas, foi presentado por Arnaitz Fernández Elías e Elene Barrutia Loroño. Os patrocinadores de Elhuyar Zientzia Azoka e os membros de Elhuyar foron os encargados de entregar os premios correspondentes a 8 categorías. 
Os proxectos premiados foron os seguintes:

• O proxecto “Mendikateak eraikiz” do centro de ensino Arratia BHI foi premiado coa oportunidade de participar na feira “Ciencia en Acción”. O premio foilles entregado por Danel Solabarrieta Arrizabalaga, responsable de Elhuyar Zientzia Azoka.
• O proxecto “Ba ao dakite kontatzen landareek?” do centro de ensino CF Somorrostro de Muskiz foi premiado coa oportunidade de participar na feira “Galiciencia”. O premio foi entregado por María Rubio Zabala, responsable de Proxectos e Innovación Social da Fundación Kutxa.
• O proxecto “Butroetxe” da ikastola Lauro de Loiu foi premiado coa oportunidade de acudir á feira Open Science de Cambre, de Galicia. O premio foi entregado por Inmaculada Arostegui Madariaga, vicerreitora da área de Investigación da Universidade do País Vasco. 
• O proxecto “Marterako bidaiariak” do centro de ensino Lauro de Loiu foi premiado coa oportunidade de participar na Feira da Ciencia de Granada. O premio foi entregado por Arola Urdangarin Ferreira, directora da Eurorrexión Nova Aquitania Euskadi Navarra. 
• O proxecto “Aurrezpen-sistema komunitoarioa kiroldegietan” do centro de ensino San Fidel Gernika recibiu como premio a oportunidade de asistir á feira “Ciencia na rúa” de Galicia. O galardón foi entregado por Isabel Sarrioandia Ibarra, xefa do Servizo de Promoción Empresarial da Deputación Foral de Bizkaia. 
• O proxecto “Ekonomia zirkularra erabiliz, moluskoen oskolekin egindako material berria” da ikastola de Amoberieta-Etxano recibiu como premio a oportunidade de asistir á Feira Expo-recerca de Cataluña. O premio foi entregado por Amaia Agirre Pinedo, directora de Aprendizaxe e Innovación Educativa do Goberno Vasco.
• O proxecto “Boneca De Reanimación” do centro de ensino “IES Rosalía de Castro” dA Coruña recibiu como premio a oportunidade de asistir á feira "Mostra Nacional de Ciencia Portuguesa" de Portugal. O premio foi entregado por Koldo Narbaiza Olaskoaga, concelleiro da área de Eúscaro e Educación do Concello de Bilbao. 
• O proxecto “Mikroplastikoen eragina indaba landareen hazkuntzan” da  ikastola Lauro de Loiu recibiu como premio a oportunidade de asistir á feira "I giovani e le scienze" de Italia. O premio foi entregado por Jon Abril Olaetxea, coordinador xeral de Elhuyar.

Para premiar o labor realizado, os 18 equipos restantes das diversas categorías recibiron unha mención de Elhuyar Zientzia Azoka e senllas estancias en centros de investigación pertencentes á rede. 

Elhuyar Zientzia Azoka

Elhuyar Zientzia Azoka celebrouse durante tres días, do 2 ao 4 de xuño, no Areal de Bilbao. Nel expuxéronse máis de 200 proxectos e participaron 700 mozos de 60 centros escolares. Ademais de mozos dos centros educativos do País Vasco, participaron tamén gañadores doutras feiras tanto do ámbito español como internacional: en total, asistiron 7 equipos. 

O obxectivo de Elhuyar Zientzia Azoka é fomentar entre a mocidade a afección pola ciencia, así como promover e difundir a cultura científica, non só nesta feira que se celebra no Arenal, senón tamén ao longo do ano. Este ano participaron 1.450 mozos (% 52 mozas, 45 % mozos e 3 % non binarios) e 79 centros escolares. Ademais de alumnos e alumnas novas, participan tamén na feira centros de investigación e universidades do País Vasco. É preciso destacar, ademais, o compromiso de todos eles con este proxecto, compromiso que renovan ano tras ano: así, ao principio do curso escolar, 244 investigadores (entre eles, 138 mulleres) procedentes da universidade e dos centros tecnolóxicos ofrecéronse para traballar cos alumnos ao longo do curso e avaliar os traballos unha vez finalizados. 

A iniciativa Zientzia Azoka, organizada por Elhuyar, conta coa colaboración do Departamento de Educación do Goberno Vasco, a Eurorrexión, a FECYT (Fundación Española para a Ciencia e a Tecnoloxía, Ministerio de Ciencia, Innovación e Universidades), a Fundación Kutxa, a Deputación Foral de Bizkaia, o Concello de Bilbao, o Goberno de Navarra e Erabi.