Unibertsitate mailako obra, toxikologiako gaian sakondu nahi duenarentzat. Gaur egungo toxikologiak substantzia exogenoen eragin kaltegarriak aztertzen ditu, ikus daitezkeen efektuetatik biologia molekularreraino, eta alderantziz. Hasieran, medikuntza eta terapeutikaren oinarri izan zen toxikologia, baina gero eta mamitsuago eta osoago bilakatu zen, biologia, fisiologia, kimika, fisika eta matematika garatu ahala. Oro har, toxikologiaren adar guztietan, substantzia kimikoek sistema biologikoetan kalteak eragiteko erabiltzen dituzten mekanismoak ikertzen dituzte zientzialariek. Elikagaietan izan daitezkeen substantzia arriskutsuak ezagutzea ezinbestekoa da, eta helburu horretarako garatu da liburu hau.