Zientziaren bilakaera gizaki eta gizarteen ezaugarrien menpe baldin badago ere, ekarpen zientifikoen garrantzia giza gertaeren muinetaraino ailegatzen da, eta baldintzatzen ditu. Teknologia, zientziaren ondoriorik famatuena, bizitza arruntaren osagai bihurtu da, baita etorkizunaren zutabe ere. Metafisika zientifikoak, ordea, gizakion mundu sinbolikoan jotzen du, eta berak ekarririko uholdeek garai historiko berriak ireki dituzte. Liburu honek metafisikaren ibilbide historikoa egiten du, erakutsi asmoz gizakiei duintasuna ematen dieten handitasunak (askatasuna, egiaren bilaketa, edertasuna) zientziaren beraren ardatzak direla. Baina, batez ere, jarrera zientifikoa erreminta askatzaile gisa proposatzen da.