Hegaztien urteroko migrazioak naturan parekorik ez duten gertakizunak dira. Urtero, milaka milioi hegazti joaten da munduko leku batetik bestera eta galdera ugari ekartzen digute burura: Zergatik migratzen dute hegaztiek? Nondik nora joaten dira? Nola ezagutzen dute bidea? Liburu honetan gaiarekin loturiko hainbat kontu aztertu dira: migrazio-mota desberdinak, migrazioetan jarraitutako bideak eta horren arrazoiak; lokomozio-moduak eta zein altuera eta abiaduratan migratzen duten; hegaztiek nabigatzeko eta orientatzeko duten gaitasuna; hegazti migratzaileen kontserbazio-arazoak...