STEAM hezkuntzaren zaintza eta dibulgazioa

STEAM hezkuntzaren inguruan garatzen ari den jakintza eskuratzeko, Europako proiektuetan hartzen dugu parte, eta jarraipena egiten diegu zientziaren didaktikan sortzen diren berrikuntzei. STEMFAIRNET proiektua gidatzen dugu, helburu honekin: zientzia-azoken nazioz gaindiko sare bat sortzea eta jardunbide egokiak trukatzea, bai STEM konpetentzien garapena hobetzeko, bai ikasle guztiengana iristeko. Bestalde, zientzia, teknologia eta matematikako irakasleei genero-berdintasunean trebatzen laguntzeko, Emergent proiektua jarri genuen martxan. Eta STEAM hezkuntzako Europako hainbat jatorritako parte-hartzailek osatutako kontsortzioan hartzen dugu parte SPOON proiektuan (STEM education and Practice are not Only about the cONtent), Frantziako 'Maison pour la Science' eta 'Unistra' (University of
Strasbourg) erakundeek gidatuta.

Horrez gain, jakintza hori partekatzen dugu, jardunbide egokien berri ematen dugu, eta gazteak eta irakasleak inspiratzeko baliabideak argitaratzen ditugu, hemen: https://zientzia.eus/steam/.