Skip to main content

Itzulpen espezializatuak

Itzulpen espezializatuak egiten ditugu: maila guztietako testu zientifiko-teknikoak; testu administratiboak eta juridikoak; komunikazio-kanpainak eta publizitatea; eta webgune- eta software-lokalizazioak. Horretarako, testu tekniko eta zientifikoetan espezializatutako esperientzia handiko lantaldea daukagu. Transkribapenak eta azpititulu eleaniztunak ere egiten ditugu.

Gure lan-prozesuaren bikaintasunaren erakusgarri dira, esaterako, ziurtagiriok:

  • 2007an lortutako UNE-EN 15038:2006 kalitate-ziurtagiria (AENOR, Asociación Española de Normalización y Certificación).
  • 2016an lortutako EN ISO 17100:2015 kalitate-ziurtagiria, 2019an berritua (AENOR, Asociación Española de Normalización y Certificación)

Nola egiten dugu lan?

Formatuak: behar duzun formatuan entregatuko dizugu itzulpena.

Testu soila nahiz maketa konplexukoa izan, zure beharretara egokituko gara.

Hizkuntzak: nagusiki euskara, gaztelania, frantsesa, ingelesa, katalana eta galegoa lantzen ditugu, baina Europako hizkuntza guztietarako itzulpen-zerbitzua ematen dugu. Europar Batasuneko nahiz kanpoko hizkuntzetako itzultzaile natiboen sare zabal bat dugu gurekin batera lanean.

Epeak: behar duzun epean entregatuko dizugu lana.

Lana eskatzen duzunean, zeuk zehaztu dezakezu entrega-epea.

Kalitatea: hizkuntza-kalitatea bermatuko dizugu.

Gure itzultzaileek beren ama-hizkuntz(et)ara soilik itzultzen dute, eta itzulpen guztiak zuzentzaile batek gainbegiratzen ditu. Hizkuntza-kalitateko lantalde bat dugu, tartean, hiru euskaltzain urgazle, itzultzaile adituak eta terminologoak dituena. Aldian-aldian lanerako hizkuntza-irizpideak eguneratzen dituzte, urrats garrantzitsua baita hori egiten diren lanen kalitatea bermatzeko.

Jarraipena: lanaren kostua eta fase guztiak kontrolpean izango dituzu une oro.

ItzulpenFlow web-aplikazioaren bidez, aurrekontua eskatzen duzunetik itzulpena jasotzen duzun arteko fase guztiak kontrolatu ahal izango dituzu.

Informazio gehiago nahi baduzu, bete formularioa

Arduraduna: Elhuyar

Helburua: Egindako eskaeren eta kontsulten kudeaketa.

Legitimazioa: Lortutako baimenak, interes legitimoa eta araudia betetzea.

Hartzaileak: Zerbitzuak (nazioarteko transferentziak barne) ematen dituzten hirugarrenak.

Eskubideak: Datuetara irispidea izateko, datuak zuzentzeko, ezabatzeko eta haien tratamendua mugatzeko edo aurka egiteko, banakako erabaki automatizatuei aurka egiteko eskubidea barne.

Jatorria: Erabiltzailea.

Pribatutasun-politika irakurri