Euskararen erabilera eta planifikazioa

Norbanakoek, taldeek, erakundeek eta enpresek euskararen erabileran aurrerapausoak emateko aholkularitza eta laguntza teknikoa eskaintzen dugu.

Prozesu horiek guztiak garatzeko, hauek dira gure printzipioak:

• Elkarlana: ezinbestekoa da lana eraginkorra izateko, talde-izaera sendotzeko eta ikuspegi bateratu eta koherentea lortzeko.
• Partaidetza: garrantzitsua da gauzak ezagutzea, elkarrekin lantzea, aztertzea eta denon artean zerbait sortzea, uneko errealitatea aldatzeko baldintza subjektiboak eta objektiboak sortuta eta ahalik eta parte-hartze zabalenarekin.
• Komunikazioa: arrakastarako gakoa da prozesuko fase guztietan, atzera-aurrerako informazioarekin eta feed-backarekin.
• Malgutasuna: beharrezkoa izaten da askotan prozesuen hobe beharrez, lanak eta epeak moldagarriak izatea, beharrezkoak diren aldaketei eta egokitzapenei zabalik. 
• Ikasketa-prozesua: partaide guztiek ikastea prozesuan eta prozesutik, elkarrengandik eta elkarrekin.
• Subjektibitatea: pertsonak eta harremanak oinarri, garrantzitsua da talde-izaera sendotzeko, talde-kohesioa eta taldearen autonomia lantzeko.
• Koordinazioa eta sare-ikuspegia: kontuan izan behar da estrategia bateratuak adostea, sinergiak aprobetxatuta eta beharrei elkarrekin erantzunda, baliabideak optimizatuta, ikuspegiak konpartituta eta zabalduta, politika integral baten barruan.
• Genero-berdintasuna: gure lanaren oinarri nabarmenetakoa da emakumezkoen presentziari erreparatzeaz gain, emakumeen eta gizonen arteko botere-harremanak aztertzea eta azaleratzea, dinamika berdinzaleagoak eraikitzeko.

Eta prozesu guztietan aintzat hartzen ditugu:

• Aniztasuna: aintzat hartzen dugu gizarteko dibertsitatea (sentsibilitate politikoa, jatorria, bizilekua, adina, funtzionalitatea, adina, hizkuntza…), eta sor daitezkeen botere-harremanak kudeatzen ditugu, berdintasunean lan egiteko.
• Hizkuntzen kudeaketa: ekintza guztietan neurriak hartzen ditugu hizkuntzak (euskara eta gaztelania) egoki kudeatzeko, partaideak eroso senti daitezen.
• Heziketa-ikuspegia: esperientziatik ikasteko eta hazteko aukera, prozesua bera ikasgai, eta horretaz jabetzea etorkizunerako.