Cookie-n erabilera. Webgune honek cookie-ak erabiltzen ditu zure nabigazio-esperientzia hobetzeko. Nabigatzen jarraitzen baduzu, ulertuko dugu cookie horien erabilera onartzen duzula. Informazio gehiago nahi izanez gero, kontsultatu gure cookie politika.

CAF-Elhuyar sariketara lanak aurkezteko epea zabalik da

2021.01.21-(e)n argitaratua Noticias-(e)n kategorian

  • Lanak aurkezteko epea  otsailaren 12an amaituko da.
  • Hiru kategoriak eta NEIKER sari bereziak osatzen dute sariketa.
  • Aurten bi sorkuntza-beka emango dira: 5.000 euro bakoitzeko.

Zientzia eta teknologiaren arloko gaiak eta ikerketak euskaraz gizarteratzeko lanak aitortzea eta bultzatzea du helburu CAF-Elhuyar sariketak. Ezagutza da txertoa da aurtengo goiburua, eta otsailaren 12a arte izango da lanak aurkezteko aukera, honako helbide honetan:  cafelhuyarsariak.elhuyar.eus 

Sariketa hiru kategoria hauek osatzen dute: dibulgazio-artikuluak, kazetaritza-lanak eta sorkuntza-beka. Azken kategoria horretan berrikuntza bat izango da aurten: bi sari emango dira, baten ordez. Gainerako kategoriek berdin jarraituko dute:

  • Dibulgazio-artikulu originalak. Bi azpikategoriatan banatuta dago: dibulgazio-artikulu orokorrak eta egilearen doktore-tesian oinarritutako dibulgazio-artikuluak. Azpikategoria horien irabazleek 2.000 euroko saria, Elhuyar aldizkarirako urtebeteko harpidetza eta Imanol Andonegi Mendizabalen eskultura bat eskuratuko dituzte.
  • Zientzia-kazetaritzaren arloko lanak. 2.000 euro, Elhuyar aldizkarirako urtebeteko harpidetza eta eskultura eskuratuko ditu irabazleak.
  • Zientzia Gizartean sorkuntza-bekak. Zientziaren/teknologiaren eta gizartearen arteko elkarrekintza lantzen duten proiektuak onartzen dira kategoria honetan. Aukeratutako proiektuen egileek hura gauzatzeko 5.000 euroko diru-laguntza jasoko dute, baita eskultura ere.

(Aurreko urteetako lanak cafelhuyarsariak.elhuyar.eus helbidean daude ikusgai).

 

Azken urteetan egin den moduan, oraingoan ere, NEIKER sari berezia emango zaio lehen sektoreari lotutako artikulu onenari; saria 2.000 eurokoa izango da, eta beste sariekin bateragarria da.

Sare-sozialetan partekatu edo mezu elektronikoz bidali