Elhuyar aldizkaria (337 zk. - 2020ko martxoa)

Gero eta gehiago dira itsasoaren egoera larriaz ohartarazten duten ahotsak. Izan ere, hizketan ari zaigu: azidifikazio, plastifikazio, beroketa eta kutsaduraren ondorioak bizitzen ari da, larriki. Ozeanoen osasunaren erabateko gainbehera saihesteko denborarik gabe geratzen ari garela dio UNESCOk. Itsas Zientzien Hamarkada 2021-2030ekoa. Itsasoko lau ikertzailerekin hausnartu dugu hamarkada honetarako gakoak zein izango diren.

Bestalde, ahotsa galdu dutenak ere ekarri ditugu gogora aldizkarian. Komunikatzeko zailtasunak dituzten lagunek argia ikusi zuten ahots-sintetizadoreak arruntak bihurtu zirenean, eta mugikorretan instalatzeraino iritsi dira. Baina ez da erraza ahots robotiko eta inpertsonal batekin nork bere burua identifikatzea: batzuetan, haurrek heldu-ahotsa erabili behar izaten dute, emakumeek gizon-ahotsa, edo hizkuntza gutxituetako hiztunek berea ez den beste hizkuntza bat. Aholab ikerketa-taldearen proiektua duzue aldizkarian.

Beste hamaika gai ere aurkituko dituzue: garraio elektrikoa, Eneko Axpe NASAko ikertzaileari elkarrizketa, Arantza Etxeberria filosofoaren gogoetak, haragia jatearen eta klimaren arteko erlazioa eta abar luze bat.

Elhuyar aldizkaria, 337. zenbakiaren eduki guztiak hemen.

Harpidetu zaitez edo oparitu ezazu harpidetza!